Tanggal 11 Januari 2013 si lepas, radu ras acara Pra Rilis Fedora 18 i SMA N 1 Berastagi, Persadaan Karo Linux pe ngelaksanaken acara pelatihen erbahan weblog sederhana man guru-guru i SMA N 1 Berastagi. Weblog ipake ibas wari si e emekap arah wordpress.com nari. Si sederhana lebe ipake gelahna memotivasi ras membuka cakrawala ibas pengunaan media simbaru enda.

Dasar pemikiren ilaksanaken pelatihen e emekap gelahna guru-guru dorek memanfaatken media enda sebagai salah sada wahana guna berinteraksi ras murid-murid i luar kelas. Gelahna arah enda pe, siswa dorek tetap erlajar/ erkomunikasi ras guru aminna gia pe sangana la i sekolah ntah i rumah.

Poin-poin sienggo ipaparken terjeng uga sign-up ku wordpress.com, memilih tema, erbahan postingen mbaru, ras pe uga carana ngedit postingen denga. Guru-guru si ngikutisa pe antusias janah ersemangat ibas empelajari media mbaru enda. Perbahan keterbatasen waktu ras koneksi internet e maka lenga kerina kal poin tambahen dorek ipaparken i bas wari e.

Ibas wari si reh, adi na lit kesempaten, gelah ipaparken ka kerna uga kin pagi ng-embed video pembelajaren kublog, ng-embed slide pembelajaren slide share nari, ras pe meng-upload file ku wordpress.

Sibarem berita acara enda, epengarapen kami gelahna arah workshop si sederhana enda banci minimal memotivasi kita gelah empergunaken media-media baru enda guna kemajunta, khususna i bidang pendidiken. I teruh enda tamaken kami piga-piga foto ibas acara e nari. Sibarem, Bujur.

Empersiapken Projector

DSC_0100
DSC_0090
DSC_0092
DSC_0097 DSC_0094 DSC_0087

Pelatihen Erbahan Weblog WordPress man Guru-Guru i SMA N 1 Berastagi

3 thoughts on “Pelatihen Erbahan Weblog WordPress man Guru-Guru i SMA N 1 Berastagi

Leave a Reply

Your email address will not be published. Required fields are marked *